कुर्डुवाडी : प्रतिनिधी
कुर्डुवाडी येथे कार्यरत असणाऱ्या रेल्वे सुरक्षाबलाच्या जवानाने कार्यावर असताना सरकारी ९ एम एम पिस्टल मधून स्वतःच्या छातीवर डाव्याबाजूस गोळी झाडून आत्महत्या केली. प्रधान आरक्षक पो.कॉ. हुसेन दावल पिंजार (वय ५२ रा. सोलापुर) असे आत्महत्या केलेल्या जवानाचे नाव आहे.
ही घटना गुरुवार दि.१७ रोजी दु.२.१५ च्यासुमारास कुर्डुवाडी रेल्वे सुरक्षा बलाच्या ड्युटीरुम ए बीट मध्ये घडली.त्यांच्या पश्चात्त त्यांची पत्नी, दोन मुले व एक मुलगी असा परिवार आहे.आत्महत्येचे नेमके कारण मात्र समजू शकले नाही.याबाबत रेल्वे सुरक्षा बलाचे पो.नि.संदीप हुड्डा यांनी कुर्डुवाडी पोलिसांत फिर्याद दाखल केली असून तपास सहा.पो.नि.विक्रांत बोधे हे करीत आहेत.
