एसजीएफआय राष्ट्रीय स्पर्धेसाठी खेळाडूंची निवड
प्रतिनिधी /बेळगाव
बेंगळूर येथे शिक्षण खाते कर्नाटक यांच्यातर्फे आयोजित राज्यस्तरीय प्राथमिक व माध्यमिक जलतरण स्पर्धेत बेळगावच्या स्विमर्स व ऍक्वेरिअस क्लबच्या जलतरणपटूंनी 5 सुवर्ण, 11 रौप्य व 7 कांस्य पदकांसह यश संपादन केले. यातील खेळाडू एसजीएफआय राष्ट्रीय जलतरण स्पर्धेसाठी निवड झाली आहे.
बसवनगुडी ऍक्वेटिक सेंटरच्या जलतरण तलावात घेण्यात आलेल्या या स्पर्धेत अमन सुणगारने 100 मी. व 200 मी. बॅकस्ट्रोक, 200 मी. वैयक्तिक मिडलेमध्ये 3 सुवर्णपदके पटकावल्याने त्याची राष्ट्रीय स्पर्धेसाठी निवड झाली आहे. सनत भट्टने 100 मी. बॅकस्ट्रोक स्पर्धेत कांस्य, 200 मी. बॅकस्ट्रोकमध्ये रौप्य, खुशी हेरेकरने 200 मी. बॅकस्ट्रोकमध्ये रौप्य तर 100 मी. बॅकस्ट्रोकमध्ये कांस्य, सार्थक श्रेयकरने 100 मी. व 50 मी. बॅकस्ट्रोकमध्ये 2 रौप्य, समित किल्लेकरने 200 मी. ब्रेस्ट्रोकमध्ये सुवर्ण, यशराज पावशेने 200 मी. ब्रेस्टस्ट्रोकमध्ये सुवर्ण, 200 मी. बटरफ्लाय, 50 मी. ब्रेस्टस्ट्रोकमध्ये 2 रौप्यपदके पटकाविली. दर्शन वेरूरने 100 मी. फ्रीस्टाईलमध्ये रौप्य, लावण्या हादीमनीने 100 मी. फ्रीस्टाईलमध्ये रौप्य, 100 मी. बटरफ्लायमध्ये कांस्य, समिक्षा घसारीने 200 मी. बी. एन. बटरफ्लाय व 200 मी. वैयक्तिक मिडलेमध्ये 2 रौप्य, अर्णव निर्मळकरने 100 मी. ब्रेस्टस्ट्रोकमध्ये रौप्य, मनिकांत काळेने 200 मी. बटरफ्लायमध्ये कांस्य, त्रिया कुरमुडीने 200 मी. बटरफ्लायमध्ये कांस्य पदक पटकाविले.
17 वर्षांखालील मुलांच्या गटात अमन, दर्शन व सनत यांनी 4ƒ100 मी. मिडले रिलेमध्ये रौप्य, अमन, सिद्धांत व दर्शन यांनी 4ƒ100 मी. फ्रीस्टाईल रिलेमध्ये रौप्य, यशराज व सार्थक यांनी 4ƒ100 फ्रीस्टाईल रिलेमध्ये कांस्य, 14 वर्षांखालील गटात मुलांमध्ये सार्थक, ओजस व यशराज यांनी 4ƒ100 मी. मिडले रिलेमध्ये कांस्य तर मुलींच्या गटात त्रिया, लावण्या व समिक्षा यांनी 4ƒ100 मी. रिले स्पर्धेत रौप्यपदक पटकाविले. या सर्वांना जलतरण प्रशिक्षक अक्षय शेरेगार, अजिंक्मय मेंडके, नितीश कुडुचकर, गोवर्धन काकतीकर यांचे मार्गदर्शन लाभले.
