दुसऱ्याची नैसर्गिक अधिवासात रवानगी
संगमेश्वर प्रतिनिधी
संगमेश्वर तालुक्यातील रांगव- धनगरवाडी येथील धोंडू तुकाराम जांगली यांच्या गोठ्यामध्ये दोन बिबट्याची पिल्ले आढळून आली. यातील एक पिल्लू जीवंत तर दुसरे मृत अवस्थेत आढळून आले. वनविभागाने जीवंत पिल्लाला नैसर्गिक अधिवासात सोडले आहे.
हेही वाचा- फेसबुकवर आक्षेपार्ह मजकूर टाकणाऱ्यास मारहाण; ६ जणांना अटक
रांगव येथे गोठ्यामध्ये दोन बिबट्याची पिल्ले आढळल्याबद्दल जितेंद्र चव्हाण यांनी वनपाल तौफिक मुल्ला यांना माहिती दिली मुल्ला यांनी सहकाऱ्यांसह घटनास्थळी भेट देवून पाहणी केली. यापैकी बिबट्याच्या मृत पिल्लाचे शवविच्छेदन करून पुढील कार्यवाही करण्यात आली. अन्य पिल्लाला मादी घेवून जाईल या उद्देशाने नैसर्गिक अधिवासात ट्रप कॅमेरे लावून सोडण्यात आले आहे.
