प्रतिनिधी, कराड
Satara Crime News : एसटीतून प्रवास करत असलेल्या अल्पवयीन मुलीचा विनयभंग केल्याप्रकरणी कोल्हापूर पोलीस दलातील खेळाडू असलेल्या एका पोलिसावर कराड शहर पोलीस ठाण्यात बाललैंगिक अत्याचार प्रकरणी सोमवारी गुन्हा दाखल झाला आहे. महेश मारुती मगदूम गुन्हा दाखल झालेल्या पोलिसाचे नाव आहे. या घटनेमुळे पोलीस दलात मोठी खळबळ उडाली आहे. दरम्यान, सदरचा गुन्हा सातारा ते कराड एसटीने प्रवास करताना बोरगाव हद्दीत घडल्यामुळे तपासासाठी बोरगाव पोलिसांकडे सोमवारी (ता. 17) रोजी रात्री वर्ग करण्यात आला आहे.
या गुन्ह्यातील संशयित आरोपी महेश मगदूम हा कोल्हापूर पोलीस दलातील स्पोर्टमन आहे.तो कबड्डीपटू असून प्रो कबड्डी लीगमध्ये देखील त्याची निवड झालेली होती. त्याच्यावर पोक्सो अंतर्गत गुन्हा दाखल झाल्यामुळे पोलीस दलाची मोठी नाचक्की झाल्याची चर्चा सुरू झाली आहे. साताऱ्यात सुरू असलेल्या पोलीस क्रीडा स्पर्धेचा सोमवारी समारोप झाला. या स्पर्धेच्या निमित्ताने मगदूम हा सातारला आला होता. सातारवरून परतत असताना हा प्रकार झाल्याचे तक्रारीत म्हटले आहे.
सातारा जिल्ह्यातील बातम्या वाचण्यासाठी येथे क्लिक करा
