भोगावती / प्रतिनिधी
नंदवाळ ता करवीर येथील परिसरात बुधवारी सकाळी बिबट्या सदृश्य प्राण्याचे दर्शन झाल्याने भितीचे वातावरण पसरले आहे. सकाळी वैरणीसाठी गेलेले येथील शेतकरी व जनावरांना चारण्यासाठी गेलेल्या लोकांना जगताप मळा परिसरात हा प्राणी नजरेस पडला आहे. कोल्हापूर ते भोगावती मार्गावरील वाशी व नंदवाळच्या मध्यभागी हा मळा असल्याचे सांगण्यात आले.नंदवाळ ग्रामस्थांकडून माहिती मिळताच काही वेळापूर्वीच वनखात्याचे पथक तपासासाठी परिसरात दाखल झाले आहे.
