Ganesh immersion procession: गणपती बाप्पा मोरया….मंगलमूर्ती मोरया…पुढच्या वर्षी लवकर या… अशा जयघोषात, डोळे दिपवणारी विद्युत रोषणाई.. डीजेच्या ठेक्यावर बेधुंद होत तरुणांसह अबाल वृद्धांनी आपल्या लाडक्या गणरायाला निरोप दिला. कोल्हापूरच्या इतिहासात पहिल्यांदाच तब्बल 27 तास मिरवणूक चालली. कोल्हापूर जिल्हा पोलीस प्रमुख डॉक्टर शैलेश बलकवडे यांच्या हस्ते शेवटच्या श्री भगतसिंग तरुण मंडळाच्या बाप्पाची आरती करून गणेश विसर्जन मिरवणुकीची सांगता झाली. यावेळी पोलिसांनी देखील डीजेच्या तालावर ठेका धरला.
