प्रतिनिधी/ महाबळेश्वर
महाराष्टाचे नंदनवन असलेल्या प्रसिद्ध महाबळेश्वरातील बस स्थानकातील एक चारचाकी वाहनात बॉम्ब असल्याच्या माहिती एका अज्ञात व्यक्तीने फोन वरून दिल्याने महाबळेश्वरात एकच खळबळ उडाली मंगळवारी सायंकाळी व बुधवारी दुपार पर्यंत विविध पथकांकडून बॉम्बचा शोध घेण्याचा प्रयत्न करण्यात आला परंतु कुठेही बॉम्ब अथवा बॉम्ब सदृश वस्तू आढळून न आल्याने महाबळेश्वर वासियांचा जीव भांडय़ात पडला
निनावी फोन करून बॉम्बची माहिती देणाया विरोधात महाबळेश्वर पोलीस ठाण्यात गुन्हा दाखल करण्यात आला आहे
याबाबत अधिक माहिती अशी की,जगप्रसिद्ध पर्यटनस्थळ महाबळेश्वर मधील बस स्थानकात बॉम्ब ठेवला असल्याचा फोन अज्ञाताने मंगळवारी सायंकाळी सहा वाजण्याच्या सुमारास गाडी क्रमांकासह पोलिसांना केला होता यानंतर तातडीने महाबळेश्वर पोलिसांनी बस स्थानक,आगार परिसरात तपासणी केली मात्र पोलिसांच्या हाती काहीच लागले नाही मंगळवारी रात्रीपासून बस स्थानकात पोलीस बंदोबस्त वाढविण्यात आला होता परंतु माहितीची खातरजमा करण्यासाठी आज पुन्हा सातारा येथून दहशतवाद विरोधी पथक,बॉम्ब शोधक-नाशक पथक व श्वान पथक अश्या विविध पथकांचे अधिकारी बस स्थानक परिसरात दाखल झाले होते या पथकांनी स्थानकातील प्रत्येक चारचाकी वाहनांसह प्रवाश्याच्या सामानाची देखील तपासणी सुरु केली पथक एव्ह्डय़ावरच न थांबता बस स्थानकातील बेवारस वाहनांची त्यांनी तपासणी करण्यात आली बस आगार बस स्थानकासमोरील टॅक्सीतळ व परिसरात तपासणी केली पथकाने बाजारपेठेत देखील फेरफटका मारून बॉम्ब ठेवलेले वाहन शोधण्याचा प्रयत्न केला तीन तासांच्या या तपासणी मध्ये बॉम्बसदृश कोणतीही संशयास्पद वस्तू सापडली नाही बॉम्ब ठेवल्याची धमकी देणाया अज्ञाताचा पोलिसांकडून शोध घेण्यात येत आहे दरम्यान पोलिसांच्या शोधमोहिमेमुळे प्रवाश्यांमध्ये घबराटीचे वातावरण पसरले होते
(मंगळवारी सायंकाळी पाच वाजता बस स्थानक परिसरातील वाहनात बॉम्ब असल्याचा निनावी फोन आला व त्यानंतर तब्बल अठरा ते वीस तासानंतर हे पथक शोधमोहिमेसाठी दाखल झाले त्यामुळे हे शोधपथक नक्की सातारा येथून आले होते की दिल्ली वरून आले याबाबत प्रवाश्यांमधून चर्चा सुरु होती दरम्यान अश्या संवेदनशील प्रकरणाबाबत पोलिसांनी दाखवलेली असंवेदना महाबळेश्वर शहरात चर्चेचा विषय ठरली आहे)
