मोटारसायकलवरून जाताना पाडला मुडदा : संशयित ताब्यात
प्रतिनिधी /बेळगाव
तारिहाळ रोड, हलगा येथील जैन बस्तीजवळ शुक्रवारी भरदिवसा मोटारसायकलवरून जाणाऱया एका युवकाचा भीषण खून करण्यात आला आहे. खुनाच्या या प्रकाराने गावात खळबळ माजली असून खून झालेला युवक व्यवसायाने ज्योतिषी असल्याचे समजते.
गदिगय्या हिरेमठ (वय 40) रा. शिंदोळी असे त्याचे नाव आहे. हिरेबागेवाडी पोलीस स्थानकात या खुनाच्या घटनेची नोंद झाली असून एका संशयिताला ताब्यात घेऊन पोलिसांनी चौकशी सुरू केली आहे. त्याचा खून कशासाठी झाला? याची रात्री उशिरापर्यंत चौकशी सुरू होती.
शुक्रवारी सायंकाळी पावणेपाचच्या सुमारास केए 22, इटी 5565 क्रमांकाच्या मोटारसायकलवरून जाणाऱया गदिगय्याच्या मानेवर धारदार हत्याराने हल्ला करण्यात आला आहे. अचानक झालेल्या या जोरदार हल्ल्यात गदिगय्याची अर्धी मान कापली गेल्याने तो जागीच ठार झाला. मोटारसायकलवरच त्याचे पार्थिव विसावले होते. घटनास्थळी रक्ताचा सडा पडला होता.
घटनेची माहिती मिळताच पोलीस आयुक्त डॉ. एम. बी. बोरलिंगय्या, उपायुक्त रविंद्र गडादी, बेळगाव ग्रामीणचे एसीपी गिरीश, हिरेबागेवाडीचे पोलीस निरीक्षक विजयकुमार शिन्नूर आदी वरि÷ अधिकारी घटनास्थळी दाखल झाले. गदिगय्याच्या कुटुंबीयांकडून माहिती घेण्यात आली. त्यानंतर मारेकऱयाचा शोध घेण्यासाठी प्रयत्न सुरू झाले.
उपलब्ध माहितीनुसार गदिगय्या हा मूळचा सौंदत्ती तालुक्मयातील मुनवळ्ळीचा असून शिंदोळी येथे पत्नीचे माहेर आहे. सध्या शिंदोळी येथे त्याचे वास्तव्य होते. कोंडुसकोप येथेही त्याने घर बांधकाम केले आहे. व्यवसायाने ज्योतिषी असणारा गदिगय्या कोंडुसकोप येथे पंचांग बघत होता. त्याचा मारेकरी कोंडुसकोप येथील असावा, असा संशय आहे.
एक-दोन दिवसांत जाणार होता चेन्नईला
गदिगय्याच्या कुटुंबीयांनी दिलेल्या माहितीनुसार एक-दोन दिवसांत तो चेन्नईला जाणार होता. शुक्रवारी दुपारी पत्नी व सासूला बॅग भरायला सांगून तो मोटारयसाकलवरून बाहेर पडला होता. एक-दोन तासांत त्याचा खून झाल्याची माहिती कुटुंबीयांना मिळाली. ते घटनास्थळी दाखल झाले. रात्री उशिरापर्यंत एफआयआर दाखल करण्याची प्रक्रिया सुरू होती. हिरेबागेवाडी पोलीस पुढील तपास करीत आहेत.
आर्थिक व्यवहारातून खून
आर्थिक व्यवहारातून सदर खून झाल्याचे उघडकीस आले आहे. कोंडसकोप येथील विठ्ठल सांबरेकर यांच्याकडून खून झालेल्या गदिगय्याने 2 लाख रुपये घेतले होते. याच व्यवहारातून विठ्ठलने गदिगय्याचा खून केल्याचे उघडकीस आले आहे.
