ऑनलाईन टीम/तरुण भारत
जम्मू काश्मीरमध्ये (Jammu and Kashmir) टार्गेट किलिंगचा (Target killing) प्रकार सुरूच आहे. दहशतवाद्यांनी गोळीबार करत एका काश्मिरी पंडितांची हत्या केली आहे. तर एकजण जखमी आहे. शोपियन येथे सफरचंदाच्या बागेत दहशतवाद्यांनी दोन भावांवर गोळीबार केला. या गोळीबारात एका भावाचा मृत्यू झाला, तर एक जखमी असल्याची माहिती पोलिसांनी दिली आहे. जम्मू काश्मीरमध्ये गेल्या काही दिवसांपासून दहशतवाद्यांकडून स्थलांतरितांना लक्ष्य केलं जात असल्याने स्थानिकांमध्ये भीतीचं वातावरण आहे. (Target killing again in Jammu and Kashmir two Kashmiri Hindus killed by terrorists)
दरम्यान, दहशतवाद्यांन गोळीबार केलेले दोघेही काश्मीरी पंडित (Kashmiri Pandit) असून दोघेही सख्खे भाऊ आहे. सुनील कुमार भट्ट असे मृत व्यक्तीचे नाव आहे, तर पिंटू कुमार भट्ट असे जखमी व्यक्तीचे नाव असल्याचे समजते. दहशतवाद्यांकडून करण्यात आलेल्या या गोळीबारानंतर स्थानिकांमधून प्रचंड संताप व्यक्त केला जात आहे.
वारंवार होत असलेल्या या टार्गेट किलिंगमुळं काश्मीर खोऱ्यातील वातावरण तणावपूर्ण आहे. यापार्श्वभूमीवर काश्मीरमधील हिंदूंनी सरकारकडे सुरक्षेची मागणी केली आहे. यापूर्वी काश्मीरमधील टार्गेट किलिंगवरुन मोठ्या प्रमाणावर राजकारण झालं होतं. यावरुन अनेक राजकीय पक्षांनी केंद्र सरकारवर टीका केली होती.
