प्रतिनिधी / बेळगाव : गळ्यामध्ये शिंगे अडकल्यामुळे म्हशीचा बुडून मृत्यू झाल्याची दुर्दैवी घटना मंगळवारी सकाळी येळ्ळूर येथे घडली.
अवचारहट्टी येथील एका शेतकऱ्याने आपली म्हैस अरवाळी धरणात धुण्यासाठी नेली होती. म्हैस खोल पाण्यामध्ये गेल्यानंतर तिचे शिंग गळ्यामध्ये अडकल्यामुळे तिला पोहता आले नाही. यामध्ये तिचा बुडून मृत्यू झाला. ही म्हैस अवचारहट्टी येथील शेतकरी विठ्ठल टोप्पांना मेलगे यांची असून काही दिवसांपूर्वी त्यांनी ती खरेदी केली होती. दुभते जनावर गेल्यामुळे त्यांचे मोठे नुकसान झाले आहे.
