मालवण : २०२१-२२ या शैक्षणिक वर्षात दहावी आणि बारावी परीक्षांमध्ये उत्तीर्ण झालेल्या मालवण तालुक्यातील सर्व गाबित समाजातील विद्यार्थ्यांचा गुणगौरव समारंभ १७ जुलै रोजी सकाळी ११ वाजता मामासाहेब वरेरकर नाट्यगृह येथे गाबित समाज मालवण तालुका कार्यकारिणीच्या वतीने आयोजित करण्यात आला आहे. समारंभाच्या अध्यक्षस्थानी राज्य पालिका प्रशासन संचनालयातील लेखा व कोषागार माजी संचालक ज्ञानेश्वर मालवणकर तर उद्योगपती सचिन कुबल प्रमुख पाहुणे म्हणून उपस्थित राहणार आहेत. तरी विद्यार्थी व पालकांनी मोठ्या संख्येने कार्यक्रमास उपस्थित रहावे, असे आवाहन तालुकाध्यक्ष डॉ. प्रमोद कोळंबकर यांनी केले आहे.
