प्रतिनिधी /बेळगाव
जायंट्स ग्रुप ऑफ बेळगाव प्राईड सहेली व ऑपरेशन मदत यांच्यावतीने रेहान हलसंगी या आठवीच्या विद्यार्थ्याला शैक्षणिक साहित्य व रेनकोट देण्यात आला. रेहान सरदार्स हायस्कूलमध्ये आठवीच्या वर्गात शिकत असून त्याची आई सलमा हलसंगी या पेट्रोलपंपावर काम करतात.
रेहान होतकरू असून त्याला शैक्षणिक साहित्याची गरज होती. त्यांनी प्राईड सहेलीच्या अध्यक्षांशी संपर्क साधला. याप्रसंगी वीणा यांनी त्याला रेनकोट दिला व सहेलीतर्फे अन्य मदत देण्यात आली. यावेळी अध्यक्षा आरती शहा, दीपा बडीगेर, अश्विनी रोकडे व वीणा उपस्थित होत्या.
