कोल्हापुरातील क्रांतिकारकांचे पहिलेच क्रांतिकार्य सोळांकूरातच यशस्वी
सौरभ मुजुमदार / कोल्हापूर
राधानगरी निसर्गाचा वरदहस्त तसेच राजर्षी छत्रपती शाहू महाराजांचा आशीर्वाद लाभलेला परिसर. याच तालुक्यातील डोंगर कपारीत लपलेलं एक गाव सोळांकूर. सुमारे 165 वर्षांपूर्वी म्हणजेच इ.स.१८५७ ला याच गावात स्वातंत्र्याच्या प्राप्तीसाठी मोठा समर घडला व हाच गाव जगाच्या इतिहासात नोंदला गेला. जो इतिहास आजही दडलाय एका ब्रिटिशकालीन चर्चमध्ये ज्या चर्चेचे नाव आहे “ऑल सेंट्स चर्च” कोल्हापूरच्या रेसिडेन्सी क्लब जवळील या चर्चमध्ये आजही या गावचा इतिहास आपणास पहावयास मिळेल. त्याकाळी चर्च ऑफ इंग्लंडच्या थेट अखत्यारीत असणाऱ्या या चर्चेने हा अमूल्य ठेवा सुरक्षितपणे सांभाळला आहे.
स्वातंत्र्यप्राप्तीचा एवढा मोठा इतिहास इ.स.१८५७ ला आमच्या सोळांकुर गावात श्री. व्यंकनाथ देवाच्या साक्षीनेच घडला. क्रांतिकारकांनी येथील ग्रामस्थांच्या सहकार्याने पहिलाच मोठा विजय सोळांकूरातच मिळविला. आज ही घटना दैनिक तरुण भारत मुळेच उजेडात आली.
शासन दरबारी याचा आम्ही नक्कीच पाठपुरावा करू. इतिहासाच्या एवढ्या मोठ्या साक्षीदार असणाऱ्या पवित्र भूमीत सोळांकूर मध्ये या घटनेचा एखादा स्मृतिस्तंभ उभा राहिल्यास पुढच्या पिढीसाठी तो सदैव स्फूर्तीदायक ठरेल. यासाठी आम्ही नक्कीच प्रयत्न करू.
आर. वाय .पाटील, सरपंच, सोळांकूर
