सरासरी 22 टक्के भाडेवाढ : उद्या पहाटेपासून अंमलबजावणी : प्रादेशिक परिवहन प्राधिकरणाची दरवाढीस मान्यता
प्रतिनिधी/कोल्हापूर
इंधन दरवाढीचा फटका सहन करत प्रवाशांना सेवा देणाऱया महापालिकेचा परिवहन उपक्रम असणाऱ्या केएमटीनेही अखेर आपल्या प्रवास भाडय़ात वाढ केली आहे. सरासरी 22 टक्के भाडेवाढ केल्याने सर्वसामान्यांच्या खिशाला कात्री लागणार आहे. दरम्यान, इंधन दरवाढीबरोबर इतर कारणांमुळे ही दरवाढ करण्यात आल्याचे केएमटीच्या सूत्रांनी सांगितले. प्रादेशिक परिवहन प्राधिकरणाची मान्यता मिळाल्याने उद्या गुरूवार 9 जूनच्या पहाटेपासून नवीन प्रवाशी भाड्य़ाची अंमलबजावणी करण्यात येणार आहे.
केएमटीने 1 ते 10 अशा दहा टप्प्यात 2 ते 20 किलोमीटर अंतराच्या प्रत्येक दोन टप्प्यात भाडेवाढ केली ओह. पूर्वी 8 रूपये पहिल्या टप्प्यासाठी जे तिकीट होते, त्यासाठी आता 10 रूपये मोजावे लागणार आहेत. दहाव्या टप्प्यातील 24 रूपयांचे तिकीट नवीन दरानुसार 30 रूपये होणार आहे. अकराव्या टप्प्यापासून पुढील प्रत्येक टप्प्यासाठी दोन रूपये दरवाढ करण्यात आली आहे.
विद्यार्थी पास आणि सवलतीच्या पास दरातही सुधारणा
50 टक्के सवलतीचे विद्यार्थी पास व 20 दिवसांच्या भाडय़ात 30 दिवस प्रवासाची सवलत असणाऱया नियमित प्रवासी पासधारकांना ज्या-त्या टप्प्यानुसार पासेसचे दर ज्या-त्या टप्प्यातील तिकीट दरानुसार सुधारित करण्यात आले आहेत. पहिली ते सातवी पर्यंतच्या विद्यार्थ्यांसाठी कोणत्याही मार्गासाठी 300 रूपये व आठवी ते दहावी पर्यंतच्या विद्यार्थ्यांसाठी 400 रूपये असे पासेसचे दर एकच राहतील.
शहरातील ज्येष्ठ नागरिकांसाठी वयाची अट 65 ऐवजी 60
ज्येष्ठ नागरिकांच्या अर्ध आकार तिकीटासाठी वयाची अट 65 ऐवजी 60 वर्षे अशी सुधारित केली आहे. ही सवलत फक्त कोल्हापूर शहरातील ज्येष्ठ नागरिकांना लागू राहील. त्याचप्रमाणे ज्येष्ठ नागरिकांसाठीचे कायम स्वरुपी ओळखपत्रासाठी 150 रूपये शुल्क करण्यात आले आहे. सवलत पासेससाठी आवश्यक असणारा आरएफआयडी कार्डचा दर 80 रूपये करण्यात आला आहे.
केएमटीचे सुधारित प्रवाशी भाडेदर असे
केएमटीचे सुधारित प्रवाशी भाडेदर असे
कि.मी. टप्पा क्र. जुना दर रु. नवीन दर रु.
02 1 8.00 10.00
04 2 8.00 12.00
06 3 10.00 15.00
08 4 12.00 17.00
10 5 14.00 20.00
12 6 16.00 22.00
14 7 18.00 24.00
16 8 20.00 26.00
18 9 22.00 28.00
20 10 24.00 30.00
(टप्पा क्र.11 पासून पुढे प्रत्येक टप्प्यावर 2 रूपये प्रमाणे वाढ केली आहे.)
विविध प्रकारच्या सवलतीच्या पासचे दर असे
पासचा प्रकार जुना दर रु. नवीन दर रु.
एक दिवसीय पास (पूर्ण आकार) 35 रू. 40 रू.
एक दिवसीय पास (अर्ध आकार) 20 रू. 20 रू.
साप्ताहिक पास 200 रू. 260 रू.
पाक्षिक पास 400 रू. 500 रू.
मासिक पास 740 रू. 920 रू.
त्रैमासिक पास 2,050 रू. 2,540 रू.
पहिली ते सातवी विद्यार्थी 250 रू. 300 रू.
आठवी ते दहावी विद्यार्थी 350 रू.
पाक्षिक पास 400 रू. 500 रू.
मासिक पास 740 रू. 920 रू.
त्रैमासिक पास 2,050 रू. 2,540 रू.
पहिली ते सातवी विद्यार्थी 250 रू. 300 रू.
आठवी ते दहावी विद्यार्थी 350 रू. 400 रू.
