ऑनलाईन टीम/तरुण भारत
भारताची सर्वोत्कृष्ट महिला क्रिकेट मिताली राज ने आज बुधवारी सर्व प्रकारच्या आंतरराष्ट्रीय क्रिकेटमधून निवृत्ती केली आहे. त्यांनी सोशल मीडियावर यासंदर्भात माहिती दिली. याबाबत मितालीने सोशल मीडियावर (Emotional post on social media) भावुक पोस्ट केली आहे. तुमच्या सर्व प्रेम आणि समर्थनासाठी धन्यवाद! मी तुमच्या आशीर्वाद आणि समर्थनासह माझ्या दुसऱ्या डावाची सुरुवात करत आहे, असं ट्विट मितालीने केलं आहे. यासह मितालीने तिच्या २३ वर्षांच्या आंतरराष्ट्रीय कारकिर्दीला (Career) अलविदा केला आहे.
जून १९९९ मध्ये आयर्लंडविरुद्धच्या एकदिवसीय सामन्यातून तिने आंतरराष्ट्रीय क्रिकेटमध्ये पदार्पण केले होते. महिला एकदिवसीय क्रिकेटमध्ये सर्वाधिक धावा करण्याचा विक्रम मितालीच्या नावावर आहे. तिने २३२ सामन्यांमध्ये ५०.६८ च्या सरासरीने सात हजार ८०५ धावा केल्या आहे.
मितालीने यावर्षी न्यूझीलंडमध्ये झालेल्या महिला एकदिवसीय विश्वचषक स्पर्धेत शेवटचा सामना खेळला होता. स्पर्धेतील सात सामन्यांत २६ च्या सरासरीने आणि ६२.९७ च्या स्ट्राईक रेटने १८२ धावा केल्या. मात्र, ती टीम इंडियाला विजेतेपद मिळवून देऊ शकली नाही. मितालीने आपला शेवटचा आंतरराष्ट्रीय सामना दक्षिण आफ्रिकेविरुद्ध खेळला आणि त्यात तिने ६८ धावा केल्या.
मितालीने ट्विट करून दिली माहिती
मिताली राजने वयाच्या ३९ व्या वर्षी निवृत्ती जाहीर केली. मिताली राजने ट्विट करून लिहिले की, जेव्हा मी निळ्या रंगाची जर्सी घालून माझ्या देशाचे प्रतिनिधित्व केले तेव्हा मी लहान होते. हा प्रवास सर्व प्रकारचे क्षण पाहण्यासाठी पुरेसा होता. गेली २३ वर्षे माझ्या आयुष्यातील सर्वोत्तम क्षणांपैकी एक होती. इतर प्रत्येक प्रवासाप्रमाणे हा प्रवासही संपत आहे आणि आज मी सर्व प्रकारच्या आंतरराष्ट्रीय क्रिकेटमधून माझी निवृत्ती जाहीर करत आहे. मला मिळालेल्या सर्व पाठिंब्याबद्दल मी बीसीसीआय आणि श्री जय शाह सर यांचे आभार मानू इच्छिते, असं मितालीने ट्विटमध्ये म्हटलं आहे.
मितालीची क्रिकेट कारकीर्द
मिताली राज ही भारताची सर्वात यशस्वी महिला फलंदाज आहे. भारतासाठी तिने १२ कसोटी सामन्यांमध्ये ४३.६८च्या सरासरीने ६९९ धावा केल्या. मिताली राजने टीम इंडियासाठी २३२ एकदिवसीय सामने खेळले आहेत, ज्यामध्ये तिने ७ हजार ८०५ धावा केल्या होत्या. मिताली राजच्या नावावर एकदिवसीय सामन्यांमध्ये ६४ अर्धशतकं आणि ७ शतकं आहेत. तसेच टी-२० मध्ये १७ अर्धशतकं झळकावले आहेत.
