सीगन चषक क्रिकेट स्पर्धा
क्रीडा प्रतिनिधी /बेळगाव
युनियन जिमखाना आयोजित सीगन चषक वरि÷ लेदरबॉल क्रिकेट स्पर्धेत सोमवारी खेळविण्यात आलेल्या सामन्यात युनायटेड बालाजी स्पोर्ट्स संघाने पॉवर प्लेअर्स स्पोर्ट्स संघाचा 68 धावांनी तर झेन स्पोर्ट्स संघाने बेळगाव चॅलेंजर्स क्लबचा 8 गडय़ांनी पराभव करून प्रत्येकी दोन गुण मिळविले. रवी जयराम व तारिक अहमद यांना सामनावीर पुरस्कार देण्यात आला.
युनियन जिमखाना मैदानावर खेळविण्यात आलेल्या सामन्यात युनायटेड बालाजी स्पोर्ट्स संघाने 20 षटकात 4 बाद 190 धावा केल्या. रवी जयरामने 3 षटकार 5 चौकारासह 57, शिवप्रसाद एच.ने 3 षटकार 2 चौकारासह 52, अक्षितने 6 चौकारासह 26 धावा केल्या. पॉवरप्लेअर्सतर्फे आकाश व दर्शन यांनी प्रत्येकी 1 गडी बाद केला. प्रत्युत्तरादाखल खेळताना पॉवरप्लेअर्स अकादमी संघाने 20 षटकात 9 बाद 122 धावाच केल्या. आकाश एस.ने 4 चौकारासह 20, आकाश व श्रीकांत यांनी प्रत्येकी 17 धावा केल्या. युनायटेडतर्फे अविनाश डी.ने 4 धावात 2, ऍन्डीने 17 धावात 2 गडी बाद केले.
दुसऱया सामन्यात बेळगाव चॅलेंजर्स क्लबने 20 षटकात 9 बाद 112 धावा केल्या. अली मकानदारने 2 चौकारासह 19, पवन पार्सेकरने 15 धावा केल्या. झेन स्पोर्ट्सतर्फे तारिक अहमदने 11 धावात 3, नवाझ व अयुब यांनी प्रत्येकी 1 गडी बाद केला. प्रत्युत्तरादाखल खेळताना झेन स्पोर्ट्स संघाने 16.1 षटकात 2 बाद 114 धावांसह सामना 8 गडय़ांनी जिंकला. सलीक पटवेगारने 5 चौकारासह 37 तर तारिक अहमदने 3 चौकारासह 32 धावा केल्या. चॅलेंजर्सतर्फे ओंकार व रिजवार मकानदार यांनी प्रत्येकी 1 गडी बाद केला. सामन्यानंतर प्रमुख पाहुण्यांच्या हस्ते सामनावीर रवी जयराम व तारिक अहमद यांना तर इम्पॅक्ट खेळाडू शिवप्रसाद एच. व सलिक पटवेगार यांना चषक देवून गौरविण्यात आले.
