दिगंत मनोहर मालिकावीर, कवीश परब सामनावीर पुरस्काराचे मानकरी
प्रतिनिधी /बेळगाव
युनियन जिमखाना आयोजित अर्जुन चषक निमंत्रितांच्या 12 वर्षाखालील डे-नाईट स्पर्धेच्या अंतिम सामन्यात दाभोळ क्रिकेट क्लब गोवा संघाने युनियन जिमखाना संघाचा 6 गडय़ांनी पराभव करून अर्जुन चषक पटकाविला. कवीश परबला सामनावीर तर दिगंत मनोहरला मालिकावीर पुरस्काराने गौरविण्यात आले.
लक्हडेल सेंट्रल स्कूलच्या टर्फ मैदानावर खेळविण्यात आलेल्या अंतिम सामन्यात युनियन जिमखाना संघाने 25 षटकात 9 बाद 146 धावा केल्या. अनिश तेंडुलकरने 4 चौकारासह 38, मोहमद हमजाने 3 चौकारासह 34, फरहान शेखने 2 चौकारासह 15 धावा केल्या. दाभोळ क्रिकेट क्लब गोवातर्फे कवीश परबने 16 धावात 4, दिगंत मनोहर, प्रांजलसिंग व आयुष यांनी प्रत्येकी 1 गडी बाद केला.
प्रत्युत्तरादाखल खेळताना दाभोळ क्रिकेट क्लब गोवा संघाने 23 षटकात 4 बाद 147 धावा करून सामना 6 गडय़ांनी जिकला. आदित्य मिस्किनने 6 चौकारासह 49, प्रांजलसिंगने 5 चौकारासह 33, कियान तोटाने 5 चौकारासह 36 धावा केल्या. युनियन जिमखानातर्फे अद्वैत पाटीलने 2 गडी बाद केले.
प्रमुख पाहुणे जिमखाना सचिव प्रसन्ना सुंठणकर, गोव्याचे ज्ये÷ प्रशिक्षक संदीप नाईक, मतिन इनामदार, चंदन कुंदरनाड, परशराम पाटील यांच्या हस्ते विजेत्या दाभोळ क्रिकेट क्लब गोवा व उपविजेत्या युनियन जिमखाना संघाला चषक व प्रमाणपत्र देवून गौरविण्यात आले. अंतिम सामन्यातील सामनावीर कवीश परब, उत्कृष्ट फलंदाज समर्थ चौगुले, उत्कृष्ट गोलंदाज अनिश तेंडुलकर, या स्पर्धेतील इम्पॅक्ट खेळाडू फरहान शेख तर मालिकावीर म्हणून दिगंत मनोहर यांना चषक व प्रमाणपत्र देवून गौरविण्यात आले. यावेळी मिलिंद चव्हाण, सचिन साळुंके, ताहिर सराफ आदी उपस्थित होते. स्पर्धेसाठी पंच म्हणून शहजाद पठाण व प्रवीण हिरेमठ, शिवानंद पाटील यांनी काम पाहिले.
