वार्ताहर /हरमल
येथील हरमल पंचक्रोशी शिक्षण मंडळाच्या पंचक्रोशी हायर सेकंडरी विभागाचा बारावी बोर्डाच्या परीक्षेत निकालाची परंपरा कायम राखल्याने सर्वत्र अभिनंदन होत आहे. यंदा बारावीचा एकूण निकाल 94.66 टक्के लागला आहे.
दरम्यान, गोव्यात शैक्षणिक विभागात उत्कृष्ट कार्य करणाऱया हरमल पंचक्रोशी शिक्षण संस्थेला ’ब्रँड ऑफ गोवा’ हा प्रति÷sचा पुरस्कार मुख्यमंत्री डॉ. प्रमोद सावंत यांच्याहस्ते संस्थेचे चेअरमन तथा माजी मुख्यमंत्री लक्ष्मीकांत पार्सेकर यांनी नुकताच स्वीकारला होता.
या संस्थेच्या हायर सेकंडरी विभागाच्या चारही विभागातून 281 विद्यार्थ्यांपैकी 266 विद्यार्थी उत्तीर्ण झाले. यंदा विज्ञान शाखेत 100 पैकी 97 विद्यार्थी उत्तीर्ण होऊन निकाल 97 टक्के लागला. यामध्ये रितिका चिंचकर (82.67 टक्के) प्रथम आली. वाणिज्य शाखेत 62 पैकी 61 विद्यार्थी उत्तीर्ण निकाल 98 टक्के लागला. यामध्ये दीक्षा नानोस्कर (89.83 टक्के) प्रथम आली. कला शाखेत 69 पैकी 69 उत्तीर्ण निकाल 100 टक्के लागला. यामध्ये सेजल नाईक (96.70 टक्के) प्रथम आली. व्यावसायिक विभागात 50 पैकी 39 विध्यार्थी उत्तीर्ण होऊन निकाल 78 टक्के लागला. माविन सौझा (88 टक्के) प्रथम आला. एकूण निकालात विशेष प्राविण्य 65 विद्यार्थी, प्रथम वर्गात 141 व द्वितीय वर्गात 59 विद्यार्थी उत्तीर्ण झाले. विद्यालयाच्या या यशात यंदा मुलींची बाजी दिसून आली.
यंदाच्या घवघवीत यशाबद्दल संस्थेचे चेअरमन प्रा. लक्ष्मीकांत पार्सेकर, व्यवस्थापक तथा हायस्कुलच्या मुख्यध्यापिका स्मिता पार्सेकर, प्राचार्य राज देसाई, पालक शिक्षक संघाचे अध्यक्ष, पदाधिकारी आदींनी विद्यार्थी व अध्यपक वर्गाचे अभिनंदन केले आहे.
