नवी दिल्ली
ऑनलाईन खाद्यपदार्थ पुरवठा करणारी कंपनी झोमॅटोचा डिसेंबर 2021 तिमाहीमध्ये निव्वळ तोटा कमी होत 67.2 कोटी रुपयांवर पोहोचला आहे. यामध्ये खाण्यापिण्याच्या साहित्याची ऑनलाईन ऑर्डर घेणाऱया या कंपनीचा तोटा कमी झाला आहे. मागील आर्थिक वर्षात समान तिमाहीत कंपनीला 352.6 कोटी रुपयाचा निव्वळ तोटा झाल्याची नोंद करण्यात आली होती.
तिमाहीच्या दरम्यान कंपनीचे उत्पन्न वधारुन 1,112 कोटी रुपयांच्या घरात पोहोचले आहे. जे मागील आर्थिक वर्षातील समान कालावधीत 609.4 कोटी रुपये राहिले होते. मात्र कंपनीचा तिमाहीच्या दरम्यान खर्च वाढून 755.7 कोटी रुपयांवरुन 1,642.6 कोटी रुपयांवर पोहोचला आहे.
