सेतू एफसी संघाचा सलग चौथा विजय

वृत्तसंस्था/ भुवनेश्वर (ओडिशा)

येथील कलिंगा स्टेडियमवर सुरू असलेल्या 2021-22 च्या भारतीय महिला लीग फुटबॉल स्पर्धेत गुरुवारी झालेल्या सामन्यात सेतू एफसी संघाने किकस्टार्ट एफसी संघाचा 2-1 अशा गोलफरकाने पराभव करत महत्त्वाचे 3 गुण वसूल केले. या स्पर्धेतील सेतू एफसीचा हा सलग चौथा विजय आहे.

मदुराईच्या सेतू एफसी संघाचे खाते सहाव्या मिनिटाला किको केटुंगेवाने उघडले. मध्यंतराला केवळ एक मिनिट बाकी असताना एलिझाबेथने सेतू एफसीचा दुसरा गोल नोंदविला. मध्यंतरापर्यंत सेतू एफसीने किकस्टार्ट एफसी संघावर 2-0 अशी आघाडी मिळविली होती. उत्तरार्धातील खेळाच्या दुसऱया मिनिटाला के. मार्गारेट देवीने किकस्टार्ट एफसी संघाचे खाते उघडले. किकस्टार्ट एफसी संघाला शेवटपर्यंत सेतू एफसी संघाशी बरोबरी करता न आल्याने त्यांना हा सामना थोडक्मयात गमवावा लागला.