कसबा बीड / प्रतिनिधी
कोगे ता. करवीर येथील मुख्य गल्लीमध्ये सोमवारी रात्री साडेबाराच्या सुमारास शेतकरी गणपती बापू मिठारी यांच्या जनावारांच्या गोट्यास आग लागून सुमारे साडेचार लाखो रूपयांचे नुकसान झाले आहे. यामध्ये वैरण, कडबा, गवत, कृषी औजारे व गोटा संपूर्ण जळून खाक झाला असून सुदैवाने कोणतीही जीवीतहानी झाली नाही.
घटनास्थाळावरील माहितीनुसार, करवीर तालुक्यातील कोगे येथील मुख्य रस्त्यावर गणपती मिठारी यांचे घर आहे. राहत्या घराला लागून जनावारांसाठी गोठा आहे. रात्रीच्या सुमारास गोठ्यास आग लागली. थोड्याच वेळात या आगीने रौद्ररूप धारण केले. या भीषण अगीत गोठा व कृषी साहित्य जळून खाक झाले. गल्लीतील नागरिकांनी व अग्निशामक दलाकडून पाणी मारून आग विझवली. दरम्यान, गोठ्यातील जनावरे बाहेर काढण्यात ग्रामस्थांना यश आले व मोठा अनर्थ ठळला व कोणत्याही प्रकारची जीवीत होणी झाली नाही.
