प्रतिनिधी / सांगली
सांगली, एसटी स्टँड परिसरातुन तमाशा व्यावसायिक महिलेचे सोन्याचे दागिने व रोख रक्कम एका भामट्याने विश्वासघात करून लंपास केली आहे. ही घटना दोन दिवसांपूर्वी घडली. याबाबत श्रीमती संगीता चंद्रकांत अंधारे, वय 49 वर्षे , तमाशा व्यवसाय राहणार केडगाव, शिवाजीनगर, शिंदे दुकान जवळ अहमदनगर, यांनी सांगली शहर पोलिसात फिर्याद दिली आहे.
याबाबत पोलिसांनी दिलेली माहिती अशी की, श्रीमती संगीता चंद्रकांत अंधारे, या महिलेचे सांगली एसटी स्टँड परिसरातून एका अनोळखी काळे नावाच्या पुरुषाने 82 हजार 800 रुपये किमतीचे सोन्याचे दागिने, रोख रक्कम, व मोबाईल असा मुद्देमाल लबाडीने चोरून नेला आहे, फसवणूक करण्याऱ्या भामट्या व्यक्तीचे वय अंदाजे पन्नास वर्षे, रंग सावळा, उंची सहा फूट, केस काळे पांढरे व कुरळे अंगात फुल ऑरेंज रंगाचा चौकडा शर्ट, काळी पॅन्ट, पायात राखाडी रंगाचा बुट असे आहे. सांगली शहर पोलीस पुढील तपास करीत आहेत.
