बसपला मतदान केले म्हणून मारहाण!

उत्तर प्रदेश विधानसभा निवडणुकीच्या पहिल्याच टप्प्यात मथुरा येथे मतदान प्रक्रिया पूर्ण झाली आहे. या निवडणुकीत बसपला मतदान केले म्हणून मारहाण झाल्याचा आरोप एका दलित कुटुंबाने केला आहे. हे कुटुंब मथुरा मतदारसंघातील एका खेडय़ातील आहे. बसपचे निवडणूक असलेल्या हत्तीचे बटण दाबले असे या कुटुंबाने आपल्या परिचितांना सांगितल्यानंतर काही अज्ञात व्यक्तिंनी त्यांच्यावर हल्ला करुन त्यांना जखमी झाले असा दावा या कुटुंबाने केला. तथापि पोलिसांच्या म्हणण्यानुसार या हल्ल्याचा मतदानाशी कोणताही संबंध नसून खासगी वैमनस्यामुळे हा प्रकार घडला आहे. या प्रकरणी प्रथमदर्शनी अहवाल नोंदवला गेला आहे. नंतर या कुटुंबातीलच काही व्यक्तींनी या घटनेचा मतदानाशी संबंध नसल्याची कबुलीही दिली असून त्याचे व्हिडिओ चित्रण उपलब्ध असल्याची माहिती पोलिसांनी दिली.