वृत्तसंस्था/ ढाका
अफगाण संघाविरूद्ध होणाऱया आगामी टी-20 मालिकेसाठी बांगलादेश संघाची घोषणा मंगळवारी करण्यात आली असून अष्टपैलू शकीब अल हसनचे पुनरागमन झाले आहे.
बांगलादेश आणि अफगाण यांच्यात चित्तगाँगमध्ये 23 फेब्रुवारीपासून तीन सामन्यांच्या वनडे आणि त्यानंतर दोन सामन्यांच्या टी-20 मालिकांना प्रारंभ होत आहे. बांगलादेशच्या टी-20 संघामध्ये सैफ हसन, नजमुल हुसेन, नुरूल हसन, शमीम हुसेन, अमिनूल इस्लाम आणि अकबर यांना वगळण्यात आले आहे. शकीब अल हसन, मुश्फीकुर रहीम, लिटॉन दास यांचा संघात समावेश करण्यात आला आहे. उभय संघातील पहिला टी-20 सामना 3 मार्चला ढाक्यामध्ये खेळविला जाणार आहे. बांगलादेश संघाचे नेतृत्व मेहमुदुल्लाकडे सोपविण्यात आले आहे.
बांगलादेश टी-20 संघ- मेहमुदुल्ला (कर्णधार), लिटॉन दास, मुनीम शहरीयार, शकीब अल हसन, मुश्फीकुर रहीम, अफिफ हुसेन, मेहदी हसन, यासीर अली, मुस्तफीजुर रेहमान, टी. अहमद, एस. इस्लाम, नेसुम अहमद, शोहीदुल इस्लाम आणि मोहम्मद नईम.
