वृत्तसंस्था/ ढाका
बांगलादेश क्रिकेट संघाचे नवे फलंदाज प्रशिक्षक जेमी सिडॉन्स यांना कोरोनाची बाधा झाल्याची माहिती बांगलादेश क्रिकेट मंडळाचे अध्यक्ष जलाल युनूस यांनी दिली आहे.
अलिकडेच बांगलादेश क्रिकेट मंडळाने सिडॉन्स यांची फलंदाज प्रशिक्षकपदी नियुक्ती केली होती. यापूर्वी ऍश्वेल प्रिन्सकडे फलंदाज प्रशिक्षकपद सोपविण्यात आले होते पण त्यांनी काही कौटुंबिक समस्यामुळे आपल्या पदाचा राजीनामा दिला होता. सिडॉन्स यांची दुसऱयांदा बांगलादेश क्रिकेट संघाच्या प्रशिक्षक वर्गात नियुक्ती झाली आहे. 2007 ते 2011 या कालावधीत सिडॉन्स बांगलादेश संघाचे प्रमुख प्रशिक्षक होते. सिडॉन्स यांची प्रकृती स्थिर असून त्यांना क्वॉरंटाईनमध्ये काही दिवसासाठी ठेवण्यात येणार आहे.
