पुणे / प्रतिनिधी
पुणे महानगरपालिकेने पहिली ते नववीपर्यंतचे सर्व वर्ग आणि कोचिंग संस्था पुढील आदेशापर्यंत बंद करण्यात आल्या असून या ऑनलाइन वर्ग चालवण्याचे आदेश देण्यात आले आहेत. कोरोना संसर्गाची वाढती संख्या पाहता मुंबईनंतर आता पुणे महानगरपालिकेने हा निर्णय घेतला आहे.
पुण्याचे पालकमंत्री आणि उपमुख्यमंत्री अजित पवार यांच्या अध्यक्षतेखाली झालेल्या या आढावा बैठकीमध्ये पहिली ते नववी पर्यंतचे वर्ग पुन्हा बंद ठेवण्याचा निर्णय घेण्यात आला. तसेच, या बैठकीतच राज्यासाठी नवे निर्बंध उद्या सकाळी जाहीर करणार असल्याची माहितीही अजित पवार यांनी दिली आहे.
