शिल्पा म्हणाली, घ्या एकदाचा फोटो

काही महिन्यांपूर्वी अश्लील फिल्म प्रकरणात अभिनेत्री शिल्पा शेट्टीचा नवरा आणि प्रख्यात उद्योजक राज कुंद्रा याला अटक झाली होती. दरम्यानच्या काळात या दोघांविषयीच्या बातम्यांना पेव फुटले होते. गणेशोत्सवही शिल्पाने राजच्या अनुपस्थित मुलांसोबत कसा साजरा केला याच्या बातम्या, व्हिडिओ आणि फोटो सोशलमीडियावर गाजले. दसऱयाच्या आधी राजला जामीन मिळाला आणि शेवट गोड झाला. मग काय, देवदर्श नंतर झालेच पाहिजे. शिल्पा शेट्टी आणि राज कुंद्रा हे गेल्या आठवडय़ात हिमाचलमध्ये देवीचे दर्शन घेताना दिसले होते. त्यानंतर आता शिल्पा मुंबईत परतली आहे. नुकताच तिचा विमानतळावरुन बाहेर पडतानाचा एका व्हिडीओ समोर आला आहे.शिल्पा शेट्टीचा विमानतळावरुन बाहेर पडतानाचा हा व्हिडीओ समोर आला आहे. या व्हिडीओत ती एकटी दिसत आहे. तिच्यासोबत राज कुंद्रा किंवा तिचा
मुलगा वियान आणि मुलगी समीक्षा दिसत नाही. विमानतळावरुन बाहेर पडत असताना काही पापाराझी तिचे फोटो काढताना दिसत होते. यावेळी काही पापाराझी तिला फोटो काढण्यासाठी सक्ती करताना दिसत होते. त्यावर शिल्पा वैतागते आणि ‘ले ले भाई’, असे म्हणते. त्यानंतर ती उभी राहून फोटोला पोझ देते आणि धन्यवाद बोलून निघून जाते.