प्रतिनिधी / शिरोळ
आत्महत्येस प्रवृत्त केल्याप्रकरणी महादेव रामू जाधव, विद्या जाधव (दोघे रा. मायाक्का चिंचली, ता. रायबाग, जि. बेळगांव) व डॉ. किरण बबन शिंदे (रा. गणेशवाडी) ता शिरोळ यांच्याविरुध्द शिरोळ पोलिसांत गुन्हा नोंद झाला आहे.
याबाबत पोलिसांतून मिळालेली माहिती अशी की ३० जून २०२१ रोजी प्रगती गरडे हिने औषध प्राशन करुन आत्महत्या केली होती. याप्रकरणी प्रगती गरडे हिचा नवरा गजानन आप्पासो गरडे (वय ३१) याच्याविरुध्द गुन्हा दाखल झाला होता. त्यानंतर संशयीताकडून गजानन याला पैशासाठी धमकी दिली जात होती. संशयितांच्या त्रासाला कंटाळून त्याने आगर ता. शिरोळ येथील फायनान्स कार्यालयात गळफास घेवून आत्महत्या केल्याची घटना सोमवारी उघडकीस आली. याबाबतची फिर्याद संजय आप्पासो गरडे (रा. माळेवाडी नरवाड, ता. मिरज, जि.सांगली) यांनी दिली आहे. पोलिसांनी गुन्हा दाखल करून पुढील तपास पीएसआय कोरवी ताहीर मुल्ला पोहे का सानप हो का पोलीस कॉन्स्टेबल गजानन कोष्टी करीत आहेत.
