श्री विठ्ठल रखुमाई शेतकरी संघटनेचा पुढाकार
ओटवणे / प्रतिनिधी:
सावंतवाडी कंझ्युमर्स को. ऑपरेटिव्ह सोसायटीचे चेअरमन आणि भाईसाहेब सावंत आयुर्वेदिक महाविद्यालयाचे संचालक तथा माजी उपनगराध्यक्ष उमाकांत वारंग यांनी कोरोना काळात गेले दिड वर्ष स्वतःचा जीव धोक्यात घालून समाजासाठी केलेल्या कार्याची दखल घेऊन त्यांचा श्री विठ्ठल रखुमाई शेतकरी संघटनेच्या वतीने ‘कोरोना देवदूत’ सन्मानपत्र देऊन गौरव करण्यात आला.
रत्नागिरीचे उपजिल्हाधिकारी सुशांत खांडेकर आणि सावंतवाडीचे प्रांताधिकारी प्रशांत पानवेकर यांच्याहस्ते उमाकांत वारंग यांना कोरोना देवदूत पुरस्काराने गौरविण्यात आले. कोरोना संकटकाळात उमाकांत वारंग यांनी गोरगरीब जनता व रुग्ण यांच्यासाठी अनेक उपक्रम राबविले. यात रुग्णांची गाडीने ने आण करणे, गरजूंना अन्नदान आदी समाजोपयोगी उपक्रमांचा सहभाग होता. त्यांच्या या कार्याची दखल घेऊन त्यांना श्री विठ्ठल रखुमाई शेतकरी संघटनेच्या वतीने गौरविण्यात आले.
यावेळी सावंतवाडीचे पूर्व प्रांताधिकारी तथा रत्नागिरीचे उपजिल्हाधिकारी सुशांत खांडेकर यांनी उमाकांत वारंग यांच्या हस्ते जनतेची सेवा यापुढेही अशीच व्हावी असे गौरवोद्गार काढले. यावेळी दोडामार्ग तहसीलदार अरुण खानोलकर, वेंगुर्ला तहसीलदार प्रवीण लोकरे, संघटनेचे अध्यक्ष मंगेश तळवणेकर आणि संघटनेचे पदाधिकारी उपस्थित होते.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Related Posts
