वार्ताहर / कुंभोज
हातकणंगले तालुक्यातील कुंभोज येथे पुर सदृश्य भागातील बुडालेले पोल, विद्युत डिपी, लाईन, इ. दुरुस्तीसाठी एका खासगी कंपनीला महावितरणच्या माध्यमातून ठेकेदारी देण्यात आली आहे. आज दि. २८ रोजी विद्युत पोल वरील विद्युत पुरवठा सुरळीत करत असताना अनावधानाने विद्युत वाहिनीचा शॉक लागून स्वप्निल तानाजी वायसे (वय २३) रा. बारामती हा तरुण जखमी झाल्याची घटना दुपारच्या सुमारास घडली.
तत्काळ कुंभोज आरोग्य पथक येथे प्रथमोपचारासाठी दाखल केले असता प्रभारी वैद्यकीय अधिकारी यांनी जवळपास ३०% शरीर भाजले असून त्या तरुणाला पुढील उपचारासाठी सांगली शासकीय रुग्णालयात दाखल करण्यात आले आहे.
