हातकणंगले / प्रतिनिधी
कुंभोज उसाच्या शेतात गांजाची झाडे लावून उत्पादन घेणाऱ्या सुरेश माळी या व्यक्तीस हातकणंगले पोलिसांनी अटक केली असून त्याच्याकडून अंदाजे 44 हजार रुपयांचा गांजा जप्त केला आहे तसेच शेतामधील झाडे नष्ट केली.
मिळालेल्या माहितीनुसार हातकणंगले पोलिसांनी गोपनीय माहितीच्या आधारे कुंभोज येथील सुरेश माळी हे शेतकरी आपल्या उसाच्या शेतामध्ये गांजाची झाडे लावल्याचे समजले. त्या अनुषंगाने हातकणंगले पोलिसांनी सदर शेतामध्ये शोधमोहीम करून गांज्याची झाडे शोधली. तर त्या ठिकाणी अंदाजे तीन किलो वजनाचा ओला गांजा आढळा. तसेच जिवंत झाडे आढळली सदर झाडे नष्ट करून तीन किलो वजनाचा गांजा ताब्यात घेतला. या गांजाची किंमत अंदाजे 44 हजार रुपये असल्याचे पोलीसांकडून सांगण्यात आले. तर सुरेश माळी यांना ताब्यात घेऊन अटक करण्यात आली आहे. या कारवाईमध्ये हातकणंगले पोलिस ठाण्याचे पोलिस निरीक्षक के. एन पाटील पोलीस कॉन्स्टेबल प्रकाश लाड, सुहास गायकवाड, अतुल निकम संदीप कांबळे ,यांनी ही कारवाई केली.
