वैष्णवी प्रभु – साहिल घुबेचे ‘विशारद प्रथम’ परीक्षेमध्ये यश

सावंतवाडी /प्रतिनिधी-

अ. भा. गांधर्व महाविद्यालयामार्फत नोव्हेंबर २०२० मध्ये घेण्यात आलेल्या संगीत परीक्षांमध्ये श्री राधाकृष्ण संगीत साधना सिंधुदुर्ग च्या दोन विद्यार्थ्यांनी ‘विशारद प्रथम’ या महत्वाच्या परीक्षेमध्ये अतिशय चांगले यश संपादन केले आहे. आजगांव सारख्या ग्रामीण भागात रहाणारी कु. वैष्णवी प्रभु हिने गायन विषयांतून तर धाकोरे गावच्या साहिल घुबे याने हार्मोनिअम विषयातून ‘विशारद प्रथम’ परीक्षेत सुयश संपादन केले आहे. विशेष म्हणजे लाॅकडाऊन च्या कालावधीत प्रत्यक्ष क्लासेस बंद असताना ऑनलाईनच्या माध्यमातून त्यांनी हे यश मिळवलय. शिवाय याच वर्षी हि दोन्ही मुले बारावी शास्त्र शाखेत शिकत होती. बारावीच्या परिक्षेत हि दोघे 75% गुण मिळवून उत्तीर्ण झालेत.. या संगीत परीक्षेसाठी त्यांना श्री राधाकृष्ण संगीत साधना सिंधुदुर्ग च्या संचालिका वीणा दळवी मॅडम यांचे मार्गदर्शन लाभले.