बेंगळूर/प्रतिनिधी
राज्यात मुसळधार पावसामुळे पूर परिस्थिती निर्माण झाली आहे. अनेक ठिकाणी पूर आणि दरड कोसळल्याच्या बातम्या आहेत. तर पुराच्या ठिकाणी अडकलेल्या नागरिकांना सुरक्षित ठिकाणी हलविण्यात आले आहे. शिवाय बरेच लोक मदत शिबिरात राहत आहेत. मुसळधार पावसामुळे आतापर्यंत नऊ जणांचा मृत्यू झाला आहे, तर तीन जण बेपत्ता आहेत.
दरम्यान, मुसळधार पावसामुळे कर्नाटक, मालनाड आणि अंतर्गत भागात तसेच अनेक किनारपट्टी भागात पूरसदृश परिस्थिती निर्माण झाली आहे. राज्याचे महसूलमंत्री आर अशोक यांनी दिलेल्या माहितीनुसार या पावसामुळे राज्यात आतापर्यंत नऊ जणांचा मृत्यू झाला आहे तर तीन बेपत्ता आहेत.
