कोरोना मृत्यू 23, नवे रूग्ण 1158, कोरोनामुक्त 1217, जिल्ह्यात मृत्यूमध्ये वाढ सक्रीय रूग्णसंख्येत घट, गगनबावडा तालुक्यात नवी रूग्ण नोंद निरंक
प्रतिनिधी / कोल्हापूर
जिल्ह्यात सोमवारी, गेल्या 24 तासांत कोरोनाने 23 जणांचा मृत्यू झाला. दिवसभरात 1 हजार 158 नवे रूग्ण आढळले तर 1 हजार 217 कोरोनामुक्त झाले. सक्रीय रूग्णसंख्या 13 हजार 441 झाली आहे. रविवारच्या तुलनेत सोमवारी नव्या रूग्णांमध्ये निम्म्याने घट झाली आहे. कोरोना मृत्यूंमध्ये वाढ झाली आहे. गगनबावडा तालुक्यात नव्या रूग्णांची नोंद निरंक आहे.
जिल्ह्यात सोमवारी कोरोनाने 23 जणांचा मृत्यू झाला. आजपर्यत कोरोना बळींची संख्या 5 हजार 244 झाली आहे. यात ग्रामीण भागातील 2 हजार 828, नगरपालिका क्षेत्रात 740, शहरात 1 हजार 119 तर अन्य 557 आहेत. दिवसभरात 1 हजार 217 जण कोरोनामुक्त झाले. कोरोनामुक्तांची संख्या 1 लाख 69 हजार 385 झाली आहे. गेल्या 24 तासांत 1 हजार 158 नवे रूग्ण आढळले. यामध्ये आजरा 21, भुदरगड 20, चंदगड 25, गडहिंग्लज 35, गगनबावडा 0, हातकणंगले 167, कागल 110, करवीर 204, पन्हाळा 95, राधानगरी 52, शाहूवाडी 30, शिरोळ 68, नगरपालिका क्षेत्रात 101, कोल्हापुरात 212 तर अन्य 18 जणांचा समावेश आहे. रूग्णसंख्या 1 लाख 88 हजार 70 झाली आहे.
शेंडा पार्क येथील आरटीपीसीआर लॅबमधून सोमवारी 14 हजार 124 अहवाल आले. त्यापैकी 13 हजार 221 निगेटिव्ह आहेत. यामध्ये आरटीपीसीआर टेस्टचे 3 हजार 580 अहवाल आले. त्यातील 3 हजार 760 निगेटिव्ह आहेत. ऍन्टीजेन टेस्टचे 2 हजार 559 अहवाल आले. त्यातील 2 हजार 393 निगेटिव्ह आहेत. ट्रुनेट टेस्टचे 7 हजार 985 रिपोर्ट आले. त्यातील 7 हजार 68 निगेटिव्ह आहेत.
परजिल्ह्यातील एकाचा तर शहरातील चौघांचा कोरोनाने मृत्यू
जिल्ह्यातील 23 मृत्यूंमध्ये परजिल्ह्यातील बेळगाव येथील एकाचा तर कोल्हापूर शहरातील चौघांचा समावेश आहे. यामध्ये लाईन बाजार, लक्षतीर्थ वसाहत, सुर्वेनगर आणि कसबा बावडा येथील व्यक्तींचा समावेश आहे.
कोरोना रूग्ण : 1158 एकूण : 1,88,070
कोरोनामुक्त : 1217 एकूण : 1,69,385
कोरोना मृत्यू : 23 एकूण मृत्यू : 5244
सक्रीय रूग्ण : 13441
