बेंगळूर/प्रतिनिधी
कर्नाटकचे उपमुख्यमंत्री सी. एन. अश्वनाथनारायण यांनी गुरुवारी स्पष्टीकरण दिले की, उच्च शिक्षण अभ्यासक्रम शिकणार्‍या सर्व विद्यार्थ्यांना दहा दिवसांत लसीकरण करण्याचे घोषित करण्यात आले आहे. “आम्ही सर्व विद्यार्थी आणि कर्मचार्‍यांना लसी देण्यास सुसज्ज आहोत आणि 100 टक्के लसीकरण करण्याचे आमचे लक्ष्य आहे. तथापि, लसीकरण करणे बंधनकारक केले जाणार नाही कारण विद्यार्थी व कर्मचारी त्यांच्या इच्छेनुसार लस घेऊ शकतात, ” असे ते म्हणाले.
गेल्या आठवड्यात, राज्य सरकारने विद्यार्थी, शिक्षक आणि कर्मचारी सदस्यांना लस दिल्यानंतर महाविद्यालयांमधील ऑफलाइन वर्ग पुन्हा सुरू होतील, अशी घोषणा केली होती.
