वृत्तसंस्था/ डर्बन
दक्षिण आफ्रिकेतील डर्बन येथे पुरुषांच्या वसतिगृहात झालेल्या गोळीबारात आठ जण ठार तर दोन जखमी झाले. ही घटना रविवारी रात्री उशिरा उमलाजी टाऊनशिपमध्ये घडली. अनेक नेमबाजांनी बंदूक घेऊन थेट वसतिगृहात प्रवेश करत गोळीबार सुरू केला. वसतिगृहाच्या खोलीत 10 ते 12 लोक मद्यपान करत असताना बंदुकांसह सशस्त्र हल्लेखोर त्यांच्या खोलीत घुसले आणि त्यांनी गोळीबार केला. यानंतर हल्लेखोर पळून गेले. या घटनेत सात जणांचा जागीच मृत्यू झाला, तर एका जखमीचा रुग्णालयात उपचारावेळी मृत्यू झाला. दोन जखमींपैकी एकाने स्वत:ला वाचवण्यासाठी खिडकीतून उडी मारली, तर दुसऱ्याला गोळी लागली. सुदैवाने या घटनेत दोन जण सुरक्षित राहिले. या गोळीबाराच्या घटनेमागील योग्य कारण शोधण्यासाठी पोलिसांकडून तपास केला जात आहे.
