Satar News : सातारा शहरात एक धक्कादायक घटना घडली आहे. सातवीत शिकणारी मुलगी चार महिन्याची गरोदर असल्याचे समोर आले आहे. संबंधित मुलीवर नववीतील विद्यार्थ्याने सप्टेंबर 2022 मध्ये गोड बोलून तिच्याच घरात तिच्यावर बलात्कार केला होता. झालेला प्रकार या शाळकरी मुलीने त्यावेळी कोणालाच सांगितला नव्हता.तिच्या मासिक पाळीवरुन तिची तपासणी सुरु असताना डॉक्टरांनी दिलेल्या सल्यावरुन तिची सोनोग्राफी करण्यात आली.आणि हा सर्व प्रकार समोर आला.
याबाबत तिच्या आईने शाहुपुरी पोलिस ठाण्यात तक्रार दिल्यानंतर संबधित शाळकरी मुलावर पोक्सो अंतर्गत आणि 376 कलमाप्रमाणे गुन्हा दाखल करुन त्याला रिमांडहोममध्ये दाखल केले आहे. या घटनेतील संबधित मुलीला सध्या जिल्हा शासकिय रुग्णालयात ठेवण्यात आले आहे. हे दोघेही वेगवेगळ्या शाळेत शिकत असून इन्स्ट्राग्रामवर या दोघांची मैत्री जमली होती.
