शिरसई येथील साळगावकर खनिज प्रकल्पाला आग लागून 75 लाखांचे नुकसान

म्हापसा : शिरसई येथील कोणेशी भागात असलेल्या साळगांवकर खनिज मालाच्या ठिकाणी ठेवण्यात आलेल्या फिरत्या स्क्रीन प्लांटला आग लागून सुमारे 75 लाख ऊपयांचे नुकसान झाले. याबद्दल सविस्तर माहिती अशी की, कोणेशी शिरसई येथील जागेत अनिल साळगांवकर यांची खनिज मालाची खाण असून तेथे मालाची खनिज माती चालण्यासाठी फिरता (मूवेबल) स्क्रीन प्लांट लावण्यात आला होता. सदर व खनिज खाण लिलावाद्वारे दुसऱ्या कंपनीने घेतल्या कारणाने सदर स्क्रीन प्लांट तेथून इतर ठिकाणी नेण्यासाठी कंपनीद्वारे कंत्राट दिले होते. सदर कत्राटदाराचे कामगार तो क्रीन प्लांट सुटा करत असताना वेल्डिंगचाच्या ठिगणीमुळे प्लांटवर असलेल्या पेट्रोलजन्य पदार्थाला लागल्यामुळे आगीचा भडका उडाला व काही क्षणात आग भडकली. यावेळी अस्नोडा येथील पोलीस शिपाई शालक कळंगुटकर व दत्ता गावस त्या बाजूने जाताना त्यांनी धुराचा लोट पाहिला आणि घटनास्थळी धाव घेतली व डिचोली अग्निशमन दलाच्या कार्यालयात संपर्क साधला. थोड्या वेळात डिचोली  अग्निशमन दलाचे सहाय्यक अधिकारी शिवाजी नाईक, अग्निशमन दलाचे जवान अमोल नाईक, लवशिद पिल्ले, रामचंद्र एकावडे व रूपेश गावस यांनी शर्थीचे प्रयत्न करून आग आटोक्मयात आणली. यावेळी साळगांवकर कंपनीचे सुरक्षा रक्षक अधिकाही बाळकृष्ण मडूरकर तेथे आले असता त्यांनी सांगितले की, सदर प्लांट येथे गेली दहा वर्षे बंद अवस्थेत होता तो आता सुरू करून इतरत्र हलविण्यात येणार होता. यामुळे कंपनीचे अंदाजे 75 लाख ऊपयांचे नुकसान झाल्याचे त्यांनी सांगितले.