बेळगाव : घटप्रभा चेकपोस्टवर एका कारमधून 50 लाख रुपये जप्त करण्यात आले आहेत. गुरुवारी रात्री ही कारवाई करण्यात आली असून ही रक्कम एका बँकेशी संबंधित असल्याची माहिती मिळाली आहे. केए 23, बी 4657 क्रमांकाच्या कारमधून 50 लाख रुपयांची वाहतूक करण्यात येत होती. रायबागहून घटप्रभाला जाताना घटप्रभा चेकपोस्टवर कार अडवून पोलिसांनी रक्कम जप्त केली. निवडणूक आयोगाने जारी केलेल्या नियमावलींचे उल्लंघन केल्यामुळे ही रक्कम जप्त केल्याचे पोलिसांनी सांगितले. एटीएममध्ये भरण्यासाठी पैसे नेताना ही नियमावली जाहीर करण्यात आली आहे. बँकेशी संबंधित रकमेची वाहतूक करताना कोणत्या नियमावलीचे पालन करावे, हे ठरविण्यात आले आहे. बँक अधिकाऱ्यांची बैठक घेऊन यासंबंधीची माहितीही देण्यात आली होती.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
