कोलकाता प्राणिसंग्रहालयातून 321 प्राणी गायब

कोलकाता : पश्चिम बंगालच्या वन विभागाला कोलकाता प्राणिसंग्रहालयाच्या वार्षिक यादीत विसंगती आढळली आहे. आता वन विभागाला याप्रकरणाचा चौकशी अहवाल मिळाला आहे. नोंदणीकृत प्राण्यांची संख्या 672 च्या जागी 321 होती, यामुळे उर्वरित प्राणी कुठे गेले असा प्रश्न उपस्थित झाला आहे. तर गडबड समोर आल्यावर प्राणिसंग्रहालय संचालक अरुण मुखर्जी यांची बदली केली आहे. वन विभागाने  2023-24 आणि 2024-25 दरम्यान कोलकात्याच्या अलीपूर जूलॉजिकल गार्डनच्या प्राणी यादी अहवालातील विसंगतीविषयी चौकशीचा आदेश दिला होता. या चौकशीचा अहवाल  प्राप्त झाला आहे. योग्यवेळी निष्कर्षांविषयी माहिती देणार आहोत. ही  अधिकृत प्रक्रिया असून पारदर्शकता राखत आहोत असे मुख्य वन्यजीव संरक्षक सुंदरियाल यांनी सांगितले.