सातारा : कराड तालुक्यातील एकावर खुनाचा गुन्हा दाखल आहे, तो गुन्हा मागे घ्यावा अन्यथा जिल्हाधिकारी कार्यालयाच्या परिसरात आत्मदहन करणार, असा इशारा त्याने दिला होता. त्यामुळे रविवारी सकाळपासून सातारा पोलीस, अग्निशमन, रुग्णवाहिका असा ताफा जिल्हाधिकारी कार्यालयासमोर दाखल होता. परंतु आंदोलनकर्ता फिरकलाच नाही. प्रशासनाला त्याने वेठीस धरले असून, पोलीस त्याचा शोध घेत आहेत.
