तळमावले :
पाटण तालुक्यातील ढेबेवाडी – सणबूर मार्गावर समोरून आलेल्या खासगी बसला वाचविताना पाटण आगाराची सळवे – पाटण एस. टी. बस (एम, एच. 14 बीटी -1127) चालकाचा ताबा सुटून झाडावर धडकल्याने सुमारे 30 प्रवासी जखमी झाले. जानुगडेवाडी जवळील धोकादायक वळणावर हा अपघात गुरूवारी सकाळी आठच्या सुमारास झाला. जखमींमध्ये शालेय विद्यार्थ्यांचाही समावेश आहे. चार जण गंभीर असल्याने त्यांना कराड येथे उपचारासाठी दाखल करण्यात आले आहे. तर इतर जखमींवर ढेबेवाडी येथील ग्रामीण रुग्णालयात उपचार सुरू आहेत.
याबाबत माहिती अशी, पाटण आगाराची एसटी बस सळवे येथून पाटणकडे निघाली होती. जानुगडेवाडीजवळ ढेबेवाडीकडून येणारी खासगी प्रवासी बस अचानकपणे समोरुन आल्याने बस चालक आरिफ निजाम मुल्ला याने बस डावीकडे घेतली. त्यावेळी ताबा सुटल्याने बस रस्त्याकडेच्या झाडावर धडकली. यामध्ये बस चालकासह तीसजण जखमी झाले.
जखमींमध्ये चालक आरिफ निजाम मुल्ला (वय 57, रा. कोळे), वाहक आर. एम. काळे (वय 57, रा. मालदन), सरिता धनाजी जाधव (वय 53), सीताबाई नायकू मगरे (वय 61), रंजना सुरेश मगरे (वय 58), बाळाबाई शिवाजी मगरे (वय 58), शोभा भगवान मगरे (वय 50), निर्मला अशोक मगरे (वय 42), शोभा परशुराम जाधव (वय 65), शारदा सोनवणे (वय 50), छाया तानाजी जाधव (वय 44), धनाजी अंतू जाधव (58, सर्व रा. सणबूर, ता. पाटण), तुकाराम ज्ञानू भाईगडे (वय 59), तुकाराम गणपती यादव (वय 50), संपदा हनुमंत पुजारी (वय 50), शारदा सुरेश परीट (वय 50), यश जालिंदर बोरगे (वय 17), रोहिणी राजाराम गुरव (सर्व रा. सळवे), जिजाबाई जयसिंग चोरगे (वय 70), सुमन वसंत चोरगे (वय 60, सर्व रा. शिंदेवाडी), कमल शिवाजी जगदाळे (वय 60), बाळू नाना साळुंखे (वय 56), पल्लवी सुमित पवार (वय 26), सीताबाई वसंत लोहार (वय 50), श्रावणी सतीश पाटील (वय 15), आराध्या सतीश पाटील (वय 13), प्रगती रवींद्र पाटील (वय 15), समर्थ विक्रम जगदाळे (वय 19, सर्व रा. बनपुरी), मालन बाळासो साळुंखे (64), जया बाळासाहेब साळुंखे (68, सर्व रा. महिंद) यांचा समावेश आहे.
यापैकी निर्मला अशोक मगरे, पल्लवी अमित पवार, संभाजी सिताराम कुंभार हे गंभीर जखमी झाल्याने त्यांना पुढील उपचारासाठी कराडला हलवण्यात आले आहे. अपघातात बसचे 50 हजार रूपयांचे नुकसान झाले आहे. या अपघाताची नोंद ढेबेवाडी पोलीस ठाण्यात झाली आहे. अपघातानंतर जखमींच्या मदतीसाठी नागरिकांनी सहकार्य केले.
- पालकमंत्र्यांकडून जखमींवर तत्काळ उपचाराचे आदेश
सदरची घटना पालकमंत्री शंभूराज देसाई यांना समजताच तत्काळ प्रशासनाशी संपर्क साधून जखमींना आवश्यक ते सर्व उपचार त्वरीत सुरु करण्याचे निर्देश दिले. जखमींच्या उपचारामध्ये कोणत्याही प्रकारची गैरसोय होऊ नये, याबाबत दक्षता घेण्यासही त्यांनी सांगितले. त्यानुसार पालकमंत्र्यांचे विशेष कार्य अधिकारी सुनील गाढे यांनी कराड येथील कृष्णा हॉस्पीटल येथे तातडीने जाऊन त्याठिकाणी दाखल असलेल्या रुग्णाची विचारपूस केली. किरकोळ स्वरुपाच्या जखमींना उपचारानंतर लगेच घरी सोडण्यात आले असून सद्यस्थितीत दोन जण कृष्ण हॉस्पिटलमध्ये दाखल असून त्यांच्यावर पुढील उपचार सुरू आहेत. ग्रामीण रुग्णालय ढेबेवाडी येथील रुग्णांची पोलीस उपअधीक्षक विजय पाटील, महसूल प्रशासनाचे सर्कल यांनी भेट घेऊन विचारपासून केली. विभागीय वाहतूक अधिकारी ज्योती गायकवाड यांनी देखील हॉस्पिटलमध्ये भेट देऊन रुग्णाची विचारपूस केली आहे. जिल्हाधिकारी संतोष पाटील लक्ष ठेवून आहेत.
..
