दोन्ही चित्रपट माझ्यासाठी आव्हानात्मक
बॉलिवूडची नवोदित अभिनेत्री अनन्या पांडे लवकरच दोन चित्रपटांमध्ये दिसून येणार आहे. यातील एका चित्रपटाचे दिग्दर्शन शकुन बत्रा यांनी केले आहे. या चित्रपटात अनन्या ही दीपिका पदूकोन तसेच सिद्धार्थ चतुर्वेदी यांच्यासोबत दिसून येणार आहे.
तर दुसरा चित्रपट विजय देवरकोंडा याच्यासोबतचा ‘लायगर’ आहे. या चित्रपटाच्या माध्यमातून विजय पहिल्यांदाच बॉलिवूडमध्येही पाऊल ठेवणार आहे. माझ्यासाठी हे दोन्ही चित्रपट आव्हानात्मक आहेत. कारण हे दोन्ही चित्रपट माझ्या यापूर्वीच्या चित्रपटांपेक्षा अत्यंत वेगळय़ा धाटणीचे आहेत. शकुन बत्रा यांनी अत्यंत नवा विषय हाताळला आहे. तर पुरी जगन्नाथ यांच्या दिग्दर्शनाखाली तयार होत असलेला ‘लायगर’ चित्रपट प्रेक्षकांचे उत्तम मनोरंजन करणार असल्याचे अनन्याने म्हटले आहे.
