हुन्नूर येथे 2.10 कोटी रोकड जप्त

जमखंडी : हुन्नूर (ता. जमखंडी) येथील तपासणी नाक्यावर अधिकारी व पोलिसांना एका कारमध्ये 2 कोटी 10 लाखांची रोकड सोमवारी सकाळी सापडली. सदर रक्कम अधिकाऱ्यांनी जप्त केली असून  कार चालकाची चौकशी करण्यात येत आहे.जमखंडी विधानसभा निवडणुकीच्या पार्श्वभूमीवर जमखंडी-कुडची मार्गावरील हुन्नूर येथे तपासणी नाका सक्रिय करण्यात आला आहे. कारमधील एका बॅगमध्ये पाचशे ऊपयांची बंडले आढळली. सदर रक्कम सौहार्द सहकारी बँकेची आहे. अथणी, सत्ती, हिप्परगी, रबकवी, बनहट्टी येथील बँकेला पुरवण्याकरिता रक्कम पाठविण्यात येत आहे, अशी माहिती कार चालकाने दिली. मात्र आवश्यक कागदपत्रे सादर न केल्याने रक्कम जप्त करण्यात आली आहे.