सावंतवाडी:
महाराष्ट्र क्रिकेट असोसिएशनतर्फे 16 वर्षाखालील मुलांची निमंत्रित साखळी क्रिकेट स्पर्धा लवकरच आयोजित करण्यात येणार आहे. या पार्श्वभूमीवर सिंधुदुर्ग जिल्हय़ाचा संघ निवडण्यासाठी सावंतवाडी येथे 22 ऑगस्टला निवड चाचणी घेण्यात येणार आहे. सकाळी 8.30 वाजता खेळाडूंनी नगरसेवक उदय नाईक (खासकीलवाडा) यांच्या घराशेजारील राहुल रेगे यांच्या इनडोअर प्रॅक्टिस विकेट येथे उपस्थित राहवे, असे आवाहन सहसचिव काशिनाथ दुभाषी यांनी केले आहे.
1 सप्टेंबर 2005 नंतर जन्मलेल्या मुलांनाच निवड चाचणीत सहभाग घेता येणार आहे. इच्छुक खेळाडूंनी पूर्ण गणवेशात तसेच वयाचा पुरावा अथवा शाळेचा बोनाफाईड दाखला सोबत आणावा. निवड झालेल्या मुलांना रविवारी रात्री पुणे येथे स्वखर्चाने बोन टेस्टसाठी जावे लागणार आहे. अधिक माहितीसाठी असोसिएशनचे सदस्य रघुनाथ धारणकर (9890802095) यांच्याशी संपर्क साधावा.
