शिरोळ प्रतिनिधी
शिरोळ तालुक्यातील नवे दानवाडमध्ये हिंस्र प्राण्यांच्या हल्ल्यामध्ये बारा बकऱ्यांचा बळी गेलेला आहे.असेच एका वर्षाच्या मागे हिंस्र प्राण्यांच्या हल्यामधे दोन माणसांचा बळी गेला होता. हि घटना ताजी असतानाच आज दुपारी तीनच्या सुमारास अमुकशिध्द धनगर यांच्या कळपामधे अचानक हिंस्र प्राण्यांच्या हल्ल्यामध्ये बारा बकरी दगावल्या व दहा बकरी गंभीर जखमी झाल्या आहेत.या मधे सुमारे पन्नास हजार रुपयांचे अमुकशिध्द धनगर नुकसान झाले आहे .तरी या घटनेचे गांभीर्य लक्षात घेऊन शासनाने पंचनामा व पाठपुरावा करून ताबडतोब नुकसान भरपाई द्यावी अशी ग्रामस्थामधुन होत आहे .
या घटनेची माहिती मिळताच गावचे लोक नियुक्त सरपंच डॉ सी. डी. पाटील साहेब यांनी भेट देऊन ताबडतोब शासन दरबारी पाठपुरावा करून अर्थीक मदत मिळवुन देण्यासाठी प्रयत्न करून देऊ अशी ग्वाही दिली.या वेळी उपस्थित पोलिस पाटील स्वाती कून्नुरे मॅडम, अनिल कुन्नूरे, प्रकाश जाधव, बाबासाहेब कुन्नुरे, आण्णाप्पा शिरढोणे , बंडु पाटील, विनायक रजपूत,व गावातील ग्रामस्थ मोठ्या संख्येने उपस्थित होते.
