मिझोरम निवडणुकीसाठी उमेदवार घरोघरी जाऊन प्रचार करण्यावर भर देत आहेत. या ठिकाणी उमेदवारांना प्रत्येक मतदारसंघामध्ये प्रत्यक्ष भेट देऊनच मतदारांकडे मतयाचना करावी लागत असते. यंदाच्या निवडणुकीमध्ये एकूण 174 पैकी 112 उमेदवार कोट्याधीश आहेत. 112 कोट्याधीश उमेदवारांमध्ये आम आदमी पक्षाचे राज्याचे अध्यक्ष अॅड्रीव्ह्या ललरेमकिमा पाचूआऊ यांची संपत्ती सर्वाधिक आहे. त्यांच्याकडे 69 कोटी रुपयांची संपत्ती आहे. ते आयझोल उत्तर मतदारसंघामधून निवडणूक लढवित आहेत. 64 टक्के उमेदवारांनी 1 कोटी पेक्षा अधिक संपत्ती असल्याची घोषणा केली आहे. दुसऱ्या क्रमांकावर 55.6 कोटी रुपयांसह काँग्रेसचे के. आर. वनललतूअंगा (सरचिफ मतदारसंघ) आहेत. झोराम पीपल्स मुमेंटस पक्षाचे के. एच. गिंझालाला (चंपाई उत्तरमतदार संघ) 36.9 कोटी रुपयांसह तिसऱ्या क्रमांकावर आहेत. तर दुसरीकडे सरचिफ मतदारसंघातून अपक्ष उमेदवार रामनहून हेडेना यांच्याकडे सर्वात कमी संपत्ती 1500 रुपये मूल्याची आहे. भाजपचे जे. बी. रुआलचिंगा हे 90 कोटी रुपयांसह अधिक संपत्ती असलेल्या उमेदवारांपैकी एक आहेत.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
