नवी दिल्ली : सुक्ष्म, लहान आणि मध्यम या क्षेत्रातील एंटरप्राईजेसमध्ये (एमएसएमई) करण्यात आलेल्या सुविधेच्या माध्यमातून सदरची नोंदणी करण्यात आली आहे. नोंदणीकृत उद्योगांचे आकडे नुकतेच सादर करण्यात आले आहेत. सरकारने नवी प्रणाली विकसित केली असून यामध्ये एमएसएमइ ऑनलाईन नोंदणीची सुविधा चालू वर्षातील जुलैच्या 1 तारखेपासून सुरु केली आहे. या अगोदर कोविड महामारीच्या काळात एमएसएमईसाठी प्रोत्साहन पॅकेजची घोषणा करताना निर्मला सीतारामण यांनी मे महिन्यात एमएसएमईची व्याख्या बदलली आहे. यासोबतच एमएसएमइमधील उद्योग क्षेत्राच्या नोंदणीसाठी नवीन पोर्टल लाँच केले आहे. सदरचे पोर्टल सीबीडीटी, जीएसटी आणि जीइएम नेटवर्कसोबत जोडले आहे. एमएसएमइ नोंदणीसाठी संबंधीत असणाऱया प्लॅटफॉर्मने आपली नियंत्रण रुम आणि देशातील 68 राज्यांमध्ये यांचे नियंत्रण कक्ष सुरु केले आहे. ऑक्टोबरपर्यत नोंदणीत 3.72 लाख उद्योग उत्पादन वर्गातील व 6.31 लाख उद्योग सेवा क्षेत्रातील आहेत. नवीन प्रणालीत नोंदणी प्रक्रिया पेपरलेस केली आहे. सरकारने एमएसएमइ डेव्हलपमेंट इंस्टीटय़ूट्स, एमएसएमइ टेक्नालॉजी सेंटर्स, एनएसआयसी, केव्हीआयसीसारख्या क्षेत्रातील विभागांना सुविधा वापरण्याचे निर्देश दिले आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
