एका देशाशी आहे खास कनेक्शन
पाणी एकीकडे माणसांपासून सर्व जीवांसाठी अत्यंत आवश्यक आहे. परंतु एक प्राणी पाण्याशिवाय 11 महिन्यांपर्यंत जिवंत राहू शकतो. सौदी अरेबियाच्या वारशाचे प्रतीक म्हणून हा प्राणी ओळखला जातो. ओरिक्सला वाळवंटातील हरिण देखील म्हटले जाते. ओरिक्स या प्राण्याच्या शिकारीवर बंदी घालत त्याचे संरक्षण करण्याचे पाऊल अरब देशांनी उचलले आहे.
वाळवंटात चमकणाऱ्या पांढऱ्या रंगातील हा जीव अत्यंत दीर्घकाळापर्यंत पाण्याशिवाय तग धरून राहू शकतो. अरब क्षेत्रात या प्राण्याला पर्यावरण सुधाराचे प्रतीक मानले जाते. एकेकाळी या प्राण्याची प्रजाती विलुप्त होण्याच्या मार्गावर होती, परंतु याचे संरक्षण करण्यात आले आणि आता हे अरब देशातील जंगलांमध्ये दिसून येतात.
1972 मध्ये ओमानच्या शिकाऱ्यांनी अखेरच्या जंगली अरेबियन ओरिक्सला मारून टाकले होते. या प्राण्याची शिकार मांस आणि शिंगांसाठी केली जात होती. परंतु यानंतर सौदी अरेबियाने त्यांची प्रजनन केंद्रे स्थापन केली. आता या प्राण्यांचा समूह निर्माण होताच त्यांना जंगलात सोडले जाते. याचमुळे आता या प्राण्याची संख्या 60 पटीने वाढली आहे.
