बेळगाव : सर्वोच्च न्यायालयाच्या आदेशानुसार पर्यावरणपूरक हिरवे फटाके वगळता इतर फटाके उडविण्यास निर्बंध घालण्यात आले आहेत. या पार्श्वभूमीवर मनपा आयुक्तांच्या मार्गदर्शनाखाली मनपा आरोग्याधिकारी डॉ. संजीव नांद्रे व त्यांच्या सहकाऱ्यांनी शहरातील फटाके विक्रेत्यांच्या दुकानांना भेट देऊन पाहणी केली. या दरम्यान निर्बंध असलेले फटाके आढळून आल्याने सदर फटाके जप्त करण्यात आले. पर्यावरणपूरक असणारे हिरवे फटाके उडविण्यासाठी सर्वोच्च न्यायालयाने निर्देश दिले आहेत. या पार्श्वभूमीवर मनपा आयुक्त अशोक दुडगुंटी यांनी फटाके विक्रेत्यांना यापूर्वीच नोटीस देऊन सूचना केली आहे. असे असले तरी अनेक विक्रेत्यांकडून निर्बंधित असणारे फटाके विक्री करण्यात येत असल्याची माहिती मनपा अधिकाऱ्यांना मिळाली होती. यावरून विक्रेत्यांच्या दुकानांची तपासणी करण्यात आली. या दरम्यान संबंधित दुकानदारांवर कारवाई करून फटाके जप्त करण्यात आले आहेत. नागरिकांनी पर्यावरणपूरक असणारे हिरवे फटाके उडवून दीपावली साजरी करावी, असे आवाहन मनपा आयुक्तांनी केले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
